ILMA «Dd General insurance» sug’urta kompaniyasi litsenziyasini vaqtincha to’xtatdi

Kompaniyaga yangi shartnomalar tuzish va mavjud shartnomalarni yangilash taqiqlanadi

Joriy yilning 27 may kuni istiqbolli loyihalar milliy agentligi (ILMA) «Dd General insurance» sug’urta kompaniyasining litsenziyasini 10 kun muddatga to’xtatib qo’ydi. Bu haqda agentlik saytida xabar berilgan.

Litsenziyani to’xtatib turish paytida kompaniya yangi sug’urta shartnomalarini tuza olmaydi va mavjudlarini yangilamaydi.

Shuningdek, kompaniya belgilangan qoidalarga muvofiq oldingi sug’urta (qayta sug’urtalash) shartnomalari bo’yicha barcha majburiyatlarni bajarishi kerak.