O’zbekistondagi ikkita bank soliq qo’mitasidan ogohlantirish oldi

Joriy yilning sentyabr oyida ba’zi tijorat banklari soliq qo’mitasini xabardor qilmasdan yangi axborot tizimini joriy etishdi.

Bank dasturchilari tomonidan amalga oshirilgan yaxshilanishlar natijasida to’lov topshiriqnomalarining bir qismi bajarilmadi.

Masalan, sentyabr oyining boshidan beri “Tengebank” 2439 ta topshiriqdan 413 tasini, “Kapitalbank” esa 4287 ta topshiriqdan 740 tasini bajarmadi.

Soliq qo’mitasi huzuridagi yirik soliq to’lovchilar bo’yicha mintaqalararo soliq inspektsiyasi ushbu qoidabuzarliklarni tezda bartaraf etish zarurligi to’g’risida ikkala bankka rasmiy ravishda xabar berdi. Shuningdek, banklar majburiyatlarni o’z vaqtida bajarmaganliklari uchun soliq kodeksida nazarda tutilgan javobgarlik to’g’risida ogohlantirildi.