Ispaniyaning “Iberojet” aviakompaniyasi Madriddan Toshkent va Urganchga charter yo’lovchi reyslarini ishga tushiradi

Toshkentga birinchi reys 2 sentyabrda, Urganchga esa 8 sentyabrda amalga oshiriladi

Фото: Uzbekistan Airports

Ispaniyaning “Iberojet” aviakompaniyasi Madrid — Toshkent va Madrid — Urganch yo’nalishlarida charter yo’lovchi reyslarini boshlaydi. Bu haqda “Uzbekistan Airports” xabar bermoqda.

Toshkentga birinchi reys joriy yilning 2 sentabrida, Urganchga esa 8 sentabr kuni amalga oshiriladi. Parvozlar har ikki haftada Airbus A330 samolyotlarida amalga oshiriladi.

Eslatib o’tamiz, joriy yilning 4 sentabr kuni Xitoyning “North-Western Cargo International Airlines” aviakompaniyasi Sian — Toshkent yo’nalishi bo’yicha yuk reyslarini yo’lga qo’yadi.