Shuhratbek Qurbonov “Humo” to‘lov tizimi rahbari lavozimidan ketdi

Uning o‘rniga “Oktobank” rahbarining sobiq o‘rinbosari Maksimov Aleksey tayinlandi

Фото: Bankers.uz

“Milliy banklararo protsessing markazi” AJ (HUMO) aksiyadorlarining navbatdagi yig‘ilishida jamiyatning amaldagi raisi vakolatlarini muddatidan oldin tugatish va jamiyatning yangi raisini saylash masalasi ko‘rib chiqdi. Bu haqdagi ma’lumot Istiqbolli loyihalar milliy agentligi ma’lum qildi.

To‘lov tizimiga u tashkil topgan vaqtdan (2019-yildan) beri Shuxratbek Kurbanov rahbarlik qilib kelgan.

Uning o‘rniga Maksimov Aleksey Yuryevich tayinlandi. Maksimov ushbu lavozimga tayinlangunga qadar 2023-yil sentabr oyidan buyon “Octobank” AK boshqaruvi raisi o‘rinbosari lavozimida ishlab kelgan.

Avvalroq, “HUMO” to‘lov tizimi $65 mlnga sotilgani, uning ochiq savdo jarayonlarida “Paynet” AJ g’olib bo‘lgani haqida xabar berilgandi.