“HUMO” ga yangi rahbar tayinlanadi

Kompaniyaga 2019-yildan beri Shuxratbek Kurbanov rahbarlik qilib kelmoqda edi

Фото: Абдумавлон Мадмусаев / Kapital.uz

21-fevral kuni “Milliy banklararo protsessing markazi” AJ (HUMO) aksiyadorlarining navbatdagi yig‘ilishida jamiyatning amaldagi raisi vakolatlarini muddatidan oldin tugatish va jamiyatning yangi raisini saylash masalasi ko‘rib chiqiladi. Bu haqda Korporativ axborot yagona portalida tegishli e’lon joylashtirildi.

To‘lov tizimiga u tashkil topgan vaqtdan (2019-yildan) beri Shuxratbek Kurbanov rahbarlik qilib keladi.

Avvalroq, “HUMO” to‘lov tizimi $65 mlnga sotilgani, uning ochiq savdo jarayonlarida “Paynet” AJ g’olib bo‘lgani haqida xabar berilgandi.

Shuningdek, kecha, 4-fevral kuni Olimjon Zokirov “Uzcard” kompaniyasining ijrochi direktori lavozimidan ketgan edi.