Hududiy elektr tarmoqlari xususiy sektorga o’tkaziladi

O’zbekistonda “hududiy elektr tarmoqlari” boshqaruvini xususiy sektor qo’liga topshirishning amaliy bosqichi boshlanadi. Bu haqda prezident matbuot xizmati xabar bermoqda.

Oktyabr oyida Samarqand viloyatining elektr tarmoqlarini boshqarish uchun xususiy operatorni jalb qilish bo’yicha tender e’lon qilinadi. Kelgusi yilda Jizzax va Sirdaryo viloyatlarida ham shunga o’xshash choralar ko’riladi.

So’nggi yillarda energetika sohasida xususiy biznes uchun keng imkoniyatlar yaratgan muhim islohotlar amalga oshirildi. Natijada $3,5 mlrdlik xususiy sheriklik loyihalari ishga tushirildi va hozirda $31,5 mlrdlik 50 ta loyiha ustida faol ish olib borilmoqda.