“HET Billing” dasturiy kompleksining mobil ilovasi ishga tushirildi

“Hududiy elektr tarmoqlari” tomonidan yangi “HET Billing” dasturiy kompleksi joriy etilishi  doirasida mobil ilova ham ishga tushirildi. Bu haqda “Hududiy elektr tarmoqlari” matbuot xizmati xabar bermoqda.

Ayni paytda iste’molchilar mazkur ilovani android hamda IOS operatsion tizimi qurilmalari orqali bepul yuklab olishlari mumkin. Mobil ilova dasturi avtomatlashtirilgan holda yangilab boriladi.

Mazkur ilova orqali iste’molchilar bevosita iste’mol qilingan elektr energiyasi hisobi, xususan, to‘lov ma’lumotlari, kunlik elektr energiya iste’moli va boshqa ma’lumotlarni onlayn tarzda kuzatib borish imkoniyatiga ega bo’ldilar.