O‘zbekiston pasporti dunyo reytingida 72-o‘rinni egalladi

Sentabr oyida O‘zbekiston pasporti Henley Passport Index xalqaro reytingida o‘z pozitsiyasini mustahkamladi. Mamlakat 98 ta davlat orasida 74-o‘rindan 72-o‘ringa ko‘tarildi.

Mazkur indeks har chorakda yangilanib boriladi va 199 ta pasportni 227 ta davlatga vizasiz borish imkoniyati bo‘yicha baholaydi.

Hozirgi kunda O‘zbekiston pasporti bilan 62 ta mamlakatga vizasiz safar qilish mumkin.

Reytingda respublikaning qo‘shnisi sifatida Mozambik ham 72-o‘rinni egallagan, San-Tome va Prinsipi esa 73-o‘ringa joylashgan.

Ro‘yxatning eng yuqorisida Singapur joylashgan bo‘lib, uning pasporti 193 ta davlatga vizasiz kirish imkonini beradi. Ikkinchi o‘rinni Janubiy Koreya va Yaponiya bo‘lishib olgan. Reytingning eng oxirgi o‘rinlarida esa Iroq (96-o‘rin), Suriya (97-o‘rin) va Afg‘oniston (98-o‘rin) joylashgan.

Markaziy Osiyo mamlakatlari orasida Qozog‘iston 61-o‘rinda (79 davlat), Qirg‘iziston — 71-o‘rinda (63 davlat), Tojikiston — 78-o‘rinda (56 davlat), Turkmaniston esa 84-o‘rinda (49 davlat) qayd etilgan.