Raqobat qo’mitasi “Hamkorbank”ni jarimaga tortdi

Raqobatni rivojlantirish va iste’molchilar huquqlarini himoya qilish qo’mitasi “Hamkorbank”ni jarimaga tortdi.

Bankning onlayn xizmati reklamasida chalg’ituvchi ma’lumotlar borligi aniqlandi. “Onlayn mikrokredit” xizmati reklamasida faqat 50 mln so’mlik kredit summasi boshqa muhim shartlarsiz ko’rsatilgan, bu esa “reklama to’g’risida”gi qonunni buzadi. 

Qo’mita komissiyasi “Hamkorbank”ga jarima solishga qaror qildi va qoidabuzarlikni bartaraf etishni buyurdi.