O’zbekiston va Germaniya qanday hujjatlarni imzolagani ma’lum bo’ldi

Samarqandda bo’lib o’tgan samarali muzokaralar natijalariga ko’ra O’zbekiston prezidenti va Germaniya Federal kansleri Olaf Sholts qo’shma deklaratsiyani qabul qildi. Bu haqda prezident matbuot xizmati xabar bermoqda.

Rasmiy tashrif doirasida 8 ta ikki tomonlama bitim imzolandi, shu jumladan:

• migratsiya va harakatchanlik bo’yicha keng qamrovli hamkorlik bo’yicha hukumatlararo kelishuv;
• veterinariya va chorvachilik sohasidagi hamkorlik to’g’risidagi hukumatlararo deklaratsiya;
• yashil Markaziy Osiyo tashabbusi doirasida suvdan barqaror foydalanish bo’yicha hamkorlik bo’yicha hukumatlararo deklaratsiya;
• muhim minerallar bo’yicha hamkorlik to’g’risidagi qo’shma deklaratsiya;
• transport sohasida hamkorlik shartnomasi;
• Parij kelishuvi doirasida iqlim o’zgarishi bo’yicha hamkorlik memorandumi.

Bundan tashqari, 2024-2026 yillarga mo’ljallangan texnologik sheriklik va sanoat kooperatsiyasi dasturi tasdiqlandi va O’zbekiston bilan Germaniyaning eng yirik korxonalari o’rtasida bir qator bitimlar va shartnomalar imzolandi.