Rossiya O’zbekistonga gaz yetkazib berishni to’rt baravar oshiradi

2025 yilda «Gazprom» O’zbekistonga tabiiy gaz yetkazib berishni to’rt baravar oshirishni rejalashtirmoqda. Bu haqda 7 may kuni ikki tomonlama muzokaralardan so’ng Rossiya federatsiyasi prezidenti Vladimir Putin xabar berdi.

Kelgusi yilda O’zbekistonga gaz yetkazib berish hajmini 11 mlrd kub metrga yetkazish uchun «O’rta Osiyo — Markaz» quvur tizimi sig’imini oshirish ustida ishlayapmiz, — dedi u.

O’tgan yilning oktyabr oyi boshidan boshlab O’zbekiston ikki yillik kelishuv asosida Rossiyadan Qozog’iston hududi orqali yiliga 2,8 mlrd kub metr umumiy hajm bilan gaz import qila boshladi.

Rossiya energetika vaziri Sergey Sivilyev «birinchi kanal» ga bergan sharhida Rossiya va O’zbekiston nafaqat gaz, balki elektr energiyasini yetkazib berishning sezilarli darajada oshishini faol muhokama qilayotganini ta’kidladi. Yakuniy hajmlar keyingi muzokaralar mavzusi bo’lib qolmoqda.

Bundan tashqari, Vladimir Putin Aydarko’l va Karateren ko’llarida umumiy quvvati 1 GVt bo’lgan ikkita yirik gidroakkumulyatsiyalovchi elektr stansiyasiyalarini qurish niyati haqida xabar berdi. Uning fikricha, gidroenergetika sohasidagi ushbu loyiha O’zbekiston energetikasiga katta hissa qo’shadi.