O’zbekistonlik Alisher Akbarov va Amal Abdullayevlar “Forbes”ning top reytingiga kirdi

Bu ikki tadbirkor BAAda joylashgan “Comfi” platformasi asoschilari

Фото: Forbesmiddleeast.com

“Forbes Middle East” nashrining 2024-yilgi “30 Under 30” reytingida Yaqin Sharq va Shimoliy afrikalik 30-yoshgacha bo‘lgan yosh mutaxassislar orasidan o‘zbekistonlik tadbirkorlar Alisher Akbarov va Amal Abdullayevlar ham o’rin oldi. Bu haqda “Forbes Middle East” nashri xabar qildi.

Bu reyting yosh yetakchilarning yutuqlarini tan olish, ularning innovatsiyalarini qo‘llab-quvvatlashda muhim ahamiyatga ega.

26 yoshli o‘zbekistonlik Alisher Akbarov va Amal Abdullayevlar BAAda joylashgan “Comfi” platformasining asoschilari hisoblanadi. Ushbu «B2B» platforma kichik va o‘rta bizneslar uchun to‘lov va kreditlash xizmatlarini taklif qiladi. Kompaniya Abu-Dabidagi xususiy oilaviy ofisdan $5 mln qarz mablag‘ jalb qilgan va Sanabil Investments hamda 500 Global’dan $350 ming sarmoya olgan.