O‘zbekistonda kreditsiz paxta yetishtirgan fermerlarga subsidiya beriladi

2025-yildan boshlab imtiyozli kredit olmay, o‘zi paxta yetishtirgan fermerlarga birjada sotgan paxtasining 10% miqdorida subsidiya beriladi.

Kecha, 16-yanvar kuni Prezident Shavkat Mirziyoyev raisligida investitsiyalarni keng jalb etish va eksportni oshirish borasidagi ishlar natijadorligi hamda kelgusidagi asosiy vazifalar yuzasidan videoselektor yig‘ilishi bo‘lib o‘tdi. 

Paxta yetishtirish va qayta ishlashda qo‘shimcha bozor mexanizmlari joriy qilinishi belgilandi.

Joriy yildan boshlab klasterlar paxtaga talabi va narx taklifini birjaga qo‘yadi, fermerlar esa o‘ziga ma’qulini tanlab, fyuchers shartnomasini tuzadi.

Imtiyozli kreditni yil yakunigacha to‘liq qaytargan fermerlarga kreditning 4% qaytarib beriladi. Ularga kredit foizi amalda 10% dan 6% ga tushadi.