O’zbekiston Yevroosiyo mintaqasidagi xalqaro banklardan eng yirik mablag’ oluvchiga aylandi

O’tgan yili xalqaro moliya tashkilotlari va taraqqiyot agentliklari Yevroosiyo mintaqasi mamlakatlari, shu jumladan O’zbekiston uchun $6,2 mlrdlik suveren moliyalashtirishni ma’qulladilar. Bu haqda Evroosiyo barqarorlashtirish va rivojlantirish jamg’armasi xabar bermoqda.

Ko’p tomonlama rivojlanish banklari mintaqadagi asosiy donorlar bo’lib, ajratilgan mablag’larning 91,2%ni, ya’ni $5,6 mlrdni tashkil etadi. Qolgan mablag’lar rivojlanish agentliklari va iqlim fondlaridan olingan. Ko’p tomonlama rivojlanish banklar barqarorlashtirishni qo’llab-quvvatlashda yetakchi rol o’ynaydi.

Osiyo taraqqiyot banki (OTB) va jahon banki tasdiqlangan suveren moliyalashtirish hajmi bo’yicha ro’yxatda birinchi o’rinni egallab, umumiy hajmning 59,7%ni egalladi. Keyingi o’rinlarda Osiyo infratuzilma investitsiyalari banki $1 mlrd (16,1%) va Islom taraqqiyot banki (ITB) $396,7 mln (6,4%) bilan. 

O’zbekiston $3,2 mlrd jalb qilgan holda 11 mamlakat o’rtasida xalqaro moliyalashtirishning yetakchi oluvchisi bo’ldi, bu esa ajratilgan mablag’larning yarmidan ko’pini tashkil etadi. Ushbu investitsiyalarning asosiy qismi ko’p tomonlama rivojlanish banklaridan olingan. Mablag’lar iqtisodiy siyosatni ($1,6 mlrd) qo’llab-quvvatlashga, qishloq xo’jaligini ($0,5 mlrd) va transport sektorini ($0,4 mlrd) rivojlantirishga qaratilgan.

Shuningdek, O’zbekiston Osiyo infratuzilma investitsiyalari bankidan $670 mln ajratgan eng yirik loyihani qo’lga kiritgani qayd etildi. Bu pul bozorlarni yaratish, moliyaviy risklar va davlat xaridlarini boshqarishni takomillashtirish, ijtimoiy integratsiya va ekologik barqarorlikka qaratilgan islohotlarni qo’llab-quvvatlash orqali mamlakatning inklyuziv va barqaror bozor iqtisodiyotiga o’tishiga yordam beradi.