“Korzinka” qonunni buzganiga qaramay, bir o’tib ham “Eng past narxlar” dasturini olib tashlamadi

“Korzinka” (Anglesey Food MCHJ) supermarketlar tarmog’i “reklama to’g’risida”gi qonunni buzganiga qaramay, “Eng past narxlar” dasturi bo’yicha tovarlarni sotishda davom etmoqda.

Joriy yilning 15 iyul kuni raqobatni rivojlantirish va iste’molchilar huquqlarini himoya qilish qo’mitasi mutaxassislari iste’molchilarni chalg’itishi mumkin bo’lgan reklama uchun “Korzinka”ga qarshi ish qo’zg’atgan.

Gap shundaki, “Eng past” deb e’lon qilingan tovarlarning narxi boshqa do’konlar va bozorlardagi o’xshash mahsulotlar narxlaridan farq qilmaydi. Bu reklamani chalg’ituvchi deb tan olish uchun asos bo’ldi.

17 iyul kuni kompaniya «reklama to’g’risida»gi qonunning 16-moddasi 1-qismi va “iste’molchilar huquqlarini himoya qilish to’g’risida”gi qonunning 6-moddasi 1-qismini buzganlikda aybdor deb topildi. Supermarketga jarima solindi va qoidabuzarliklarni tuzatish uchun bir oy vaqt berildi.

Kompaniya bosh direktori Rud Pedersen 2024-yil may oyida ishga tushirilgan “kundalik xaridlarning eng past narxlari” dasturi vaqtinchalik aksiya emas, balki doimiy narx strategiyasi ekanligini ta’kidladi.

Biroq, 17 avgust holatiga ko’ra, qo’mita talab qilganidan bir oy o’tgach, supermarketlarda hali ham “Eng past narxlar” deb belgilangan mahsulotlar mavjud. Ushbu aksiya bloggerlar, Telegram kanallari va kompaniyaning rasmiy manbalarida faol reklama qilinishda davom etmoqda.