O’zbekiston elektrotexnikani rivojlantirish uchun $1 mlrd ajratdi

Prezidentimiz rahnamoligida elektrotexnika sohasida ishlab chiqarish, eksport va investitsiyalarni kengaytirish masalalariga bag’ishlangan videoselektor yig’ilishi bo’lib o’tdi. Bu haqda prezident matbuot xizmati xabar bermoqda.

O’zbekistonda so’nggi yetti yil ichida yaratilgan imkoniyatlar tufayli sohaga $1 mlrd sarmoya kiritildi. Natijada 762 ta yangi korxona ochildi va 45 ta yangi turdagi mahsulot ishlab chiqarish boshlandi. Ishlab chiqarish hajmi 1,8 baravarga oshdi, yillik daromadi 100 mlrd so’mdan ortiq bo’lgan korxonalar soni 6 tadan 25 tagacha oshdi. 

Ushbu tarmoq korxonalaridan byudjetga tushumlar 8 baravar oshdi. So’nggi uch yil ichida mahsulotimizni eksport qiladigan mamlakatlar soni ikki baravar ko’payib, 62 taga yetdi.