27.11.2024 | 12:47

Janubiy Koreya kompaniyasi Farg’onada elektromobillarni quvvatlovchi qurilmalarni ishlab chiqarishni yo’lga qo’yishni rejalashtirmoqda

Shuningdek, ushbu kompaniya maktablar uchun aqlli doskalar ishlab chiqarishni yo'lga qo'yadi

Фото: Пресс-служба хокимията Ферганской области

Farg’ona viloyatida Janubiy Koreyaning “AHA Co., Ltd” kompaniyasi bilan hamkorlikda elektromobillarni zaryadlovchi qurilmalarni ishlab chiqarish yo’lga qo’yiladi. Bu haqda viloyat hokimligi matbuot xizmati xabar berdi.

Ushbu kompaniya 1995-yilda tashkil topgan bo‘lib, ta‘lim texnologiyalari (EdTech), sog‘liqni saqlash va elektr transport vositalarini (EV) zaryadlash qurilmalarini ishlab chiqarishga ixtisoslashgan.

Kompaniya rahbari Ku Gi Do O‘zbekistonda ham hamkorlikda biznes qilish istagi borligini bildirdi.

Uchrashuv yakunida “AHA Co., Ltd” kompaniyasi bilan viloyatda maktablar uchun smart doskalar hamda elektromobillar uchun zaryadlovchi stansiya qurilmalarini ishlab chiqarish bo‘yicha hamkorlik memorandumi imzolandi.