O’zbekistonda dori-darmon va tibbiy asbob-uskunalar xarid qilish bo’yicha yagona markaz tashkil etiladi

Markaz “O'zmedimpeks” negizida poytaxtda bosh ofisi va 13 ta filiali bilan tashkil etiladi

Фото: Маргарита Авакян / Kapital.uz

O’zbekistonda dori-darmon va tibbiy asbob-uskunalar xarid qilish bo’yicha yagona markaz tashkil etiladi. Bu haqda prezident farmonidan ma’lum bo’ldi.

Kelgusi yildan boshlab u mahsulotlarni to’g’ridan-to’g’ri ishlab chiqaruvchilar va ularning rasmiy vakillaridan, shu jumladan reagentlar, materiallar va shoshilinch tibbiy yordam uchun dori-darmonlarni sotib olish huquqiga ega bo’ladi.

Yangi markaz “O’zmedimpeks” va tibbiy asbob-uskunalarga xizmat ko’rsatish o’quv-ishlab chiqarish markazi negizida tashkil etiladi, uning tuzilmasi esa poytaxtdagi bosh bo’lim va 13 ta mintaqaviy filiallarni o’z ichiga oladi.

Dori-darmonlarni sotib olish va yetkazib berish ustidan nazoratni Bosh prokuraturaning iqtisodiy jinoyatlarga qarshi kurash bo’limi o’z zimmasiga oladi.