O’zbekistonda dorixonalar dori-darmon narxini noqonuniy ravishda qariyb 5,5 mlrd so’mga oshirib yuborgan

Raqobatni rivojlantirish va iste’molchilar huquqlarini himoya qilish qo’mitasi mamlakat bo’ylab 473 ta dorixonalarda (133 ta ulgurji va 340 ta chakana) dori-darmonlarni haddan tashqari oshirib yuborish holatlarini aniqladi. 

“Fair Tech” tizimi orqali o’tkazilgan tekshiruvlar natijasida 5,4 mlrd so’mga 49,4 mingta qoidabuzarlik aniqlandi. Qo’mita iste’molchilar foydasiga narxlarni qayta hisoblab chiqdi va ularning huquqlarini tiklash choralarini ko’rdi. 

Toshkentdagi 71 ta dorixonaning dori-darmon narxlari eng yuqori baholangan bo’lib, ularda 1,9 mlrd so’mga 17,2 ta holat qayd etilgan. Ikkinchi o’rinda Namangan viloyati — 1,1 mlrd so’m, uchinchi o’rinda Surxondaryo viloyati — 914 mln so’m bo’ldi. Keyin Jizzax viloyati — 743,7 mln so’m va Andijon viloyati — 312,8 mln so’m.

Qo’mitaning ta’kidlashicha, mazkur yo‘nalishdagi ishlarini davom ettirgan holda belgilangan ustamalarni oshirib qo‘llanish holatlariga yo‘l qo‘ygan dorixonalarga nisbatan chora ko‘rilishini va huquqbuzar dorixonalar ro‘yxatini ilova sifatida o‘zining rasmiy sahifalarida e’lon qilib borishini ma’lum qildi.