Farg‘ona kompaniyasi Yevropaga $10 mlnlik quritilgan meva eksport qiladi

Shuningdek, Beshariq tumanida $15 mlnlik mevalarni qayta ishlash zavodi quriladi

Foto: Farg’ona viloyati hokimligi

Endilikda Farg‘ona viloyatida yetishtirilgan va qadoqlangan mevalar Yevropa bozoriga eksport qilinadi, deb xabar bermoqda viloyat matbuot xizmati.

Farg‘ona viloyati delegatsiyasining Germaniyaga tashrifi doirasida kelishuvlarga erishgan. Beshariq tumanida faoliyat yuritayotgan “BESHAGRO EKSPORT” MCHJ Polsha kompaniyasi bilan umumiy qiymati $10 mlnlik quritilgan mevalarni yetkazib berish bo‘yicha shartnoma imzoladi.

Shuningdek, polshaliklar bilan hamkorlikda Beshariq tumanida $15 mlnlik mevalarni qayta ishlash zavodi qurish loyihasi amalga oshiriladi.