O‘zbekiston 2028-yilgacha eng yirik davlat korxonalarining IPO va SPO dasturini joylashtiradi
12 ta kompaniya qatorida NKMK 2026-yil yakuniga qadar sotilishi belgilangan
Avval xabar berilganidek, Prezident farmoni bilan 29 ta davlat ishtirokidagi yirik korxona ustav kapitalidagi aksiyalar paketini nufuzli xalqaro professional konsultantlarni jalb qilgan holda ommaviy savdolarga chiqariladi.
Bundan tashqari, 12 ta davlat ishtirokidagi yirik korxona ustav kapitalidagi aksiyalar paketining xalqaro va mahalliy fond bozorlarida birlamchi (IPO) va (yoki) ikkilamchi (SPO) ommaviy taklifini o‘tkaziladi.
Qaysi kompaniyalar qachon sotuvga chiqadi:
| № | Kompaniyalar | Sotiladigan davlat ulushi (%) | Format | Sotuv boshlanishi |
|---|---|---|---|---|
| 1 | Navoiy kon-metallurgiya kombinati | 10–15 | IPO | 2025-yilning ikkinchi yarmi |
| 2 | O‘zb. Milliy investitsiya fondi | 25 | IPO | 2026-yilning birinchi yarmi |
| 3 | Navoiyuran | 10–15 | IPO | 2026-yilning ikkinchi yarmi |
| 4 | Uzbekistan Airways | 15–20 | IPO | 2026-yilning ikkinchi yarmi |
| 5 | Olmaliq kon-metallurgiya kombinati | 10–15 | IPO | 2027-yilning birinchi yarmi |
| 6 | O‘zb. milliy elektr tarmoqlari | 10–20 | IPO | 2027-yilning birinchi yarmi |
| 7 | Uztelecom | 10–15 | SPO | 2027-yilning ikkinchi yarmi |
| 8 | gidroenergo | 15–20 | IPO | 2027-yilning ikkinchi yarmi |
| 9 | Hududiy elektr tarmoqlari | 20–25 | IPO | 2028-yilning birinchi yarmi |
| 10 | O‘ztransgaz | 15–20 | IPO | 2028-yilning birinchi yarmi |
| 11 | Uzbekistan Airports | 15–20 | IPO | 2028-yilning birinchi yarmi |
| 12 | Hududgazta’minot | 15–20 | IPO | 2028-yilning ikkinchi yarmi |
2025-yil 1-iyulgacha Energetika vazirligining yoqilg‘i yetkazib berishning eng kam miqdori bo‘yicha kafolati asosida xalqaro bozorda issiqlik elektr stansiyalarining ochiq ommaviy savdolarini e’lon qiladi.
Shuningdek, 2025-yil 1-dekabrga qadar 2030-yilgacha davlat korxonalarini isloh qilish va xususiylashtirish strategiyasi ishlab chiqilishi ta’minlanadi.
Milliy investitsiya jamg‘armasiga alohida e’tibor qaratilmoqda. Uning IPOsi, shuningdek, u ulushga ega bo‘lgan kompaniyalardagi paketlarni sotish Franklin Templeton Asset Management bilan hamkorlikda amalga oshiriladi. Ushbu xalqaro investitsiya kompaniyasi bilan aktivlarni ishonchli boshqarish to‘g‘risida kelishuv imzolangan.
Ulashish:
Moliya va biznes haqida ko'proq yangiliklar Telegram kanalda @KPTLUZ
