“UzAuto Motors” “Chevrolet Cobalt” va “Chevrolet Cobalt Midnight” mashinalariga shartnoma ochilishini e’lon qildi

“UzAuto Motors” 7-yanvar soat 10:00 dan boshlab “Chevrolet Cobalt” va “Chevrolet Cobalt Midnight” avtomobillarining kontraktatsiyasi boshlanishini e’lon qildi.

“Chevrolet Cobalt” va “Chevrolet Cobalt Midnight” sotib olish bo‘yicha shartnomalar faqat savdo.uzavtosanoat.uz veb-sayti orqali onlayn tarzda tuzilishi mumkin. Telegram bot va “UzAvtosavdo” ilovasi faqat navbatni kuzatish va avtomobillar mavjudligi haqida ma’lumot olish uchun ishlatiladi.

Eslatib o’tamiz, avtomobil narxlari o‘zgarishsiz qolmoqda. “Cobalt GX-Style at Plus” narxi  —147,9 mln so’m, “Cobalt Midnight” narxi esa — 155,2 mln so’m.

Shuningdek, avtomobillarni sotib olish bo‘yicha tuzilgan shartnomalar bo‘yicha to‘lov yetti kalendar kun ichida amalga oshirilishi kerak.