“Toshkent” fond birjasi “Chilonzor buyum savdo kompleksi” aksiyalari bilan operatsiyalarni vaqtincha toʻxtatdi

“Toshkent” Respublika fond birjasi “Chilonzor buyum savdo kompleksi” AJ aksiyalari bilan operatsiyalarni vaqtincha toʻxtatdi. Bu haqda birja rasmiy sahifasida ma’lum qildi.

Operatsiyalarni vaqtincha toʻxtashi emitentning korporativ harakatlarini amalga oshirishi ya’ni 1:1 nisbatda kapitallashtirish bilan bog‘liq.

To‘xtatib turish “Toshkent fond birjasi”da “Qimmatli qog‘ozlar savdosi qoidalari”ning 1687-1-bandiga muvofiq va Qimmatli qog‘ozlar markaziy depozitariysining xabarnomasiga muvofiq amalga oshiriladi.

Eslatib oʻtamiz, fond birja aprel oyida“Alskom” sug‘urta kompaniyasi aksiyalari bilan savdolarni to‘xtatgandi. Bu esa split qilish va qo‘shimcha chiqarilish bilan izohlangan edi.