O’zbekistondan olib chiqiladigan qimmatbaho metallar va toshlar bojxonada ro’yxatdan o’tkaziladi

Jismoniy shaxslar tomonidan O’zbekistondan olib chiqiladigan qimmatbaho metallar va toshlar hajmi yo’lovchi bojxona deklaratsiyasini to’ldirishda bojxona organlarining axborot tizimida ro’yxatdan o’tkaziladi. Bu haqda “Norma” xabar berdi.

Joriy yilning 19 sentabr kuni iqtisodiyot va moliya vazirining bojxona deklaratsiyasini to’ldirish va rasmiylashtirish bo’yicha yo’riqnomaga o’zgartirishlar kiritish to’g’risidagi buyrug’i qabul qilindi.

Bojxona qo’mitasi har oy ushbu ma’lumotni statistika agentligiga topshiradi.

Hujjat 2024-yil 23-sentabrda kuchga kirdi.