Uzinfocom milliy blokcheyn tarmog’ini ishga tushirishni rejalashtirmoqda

O’zbekiston Respublikasi istiqbolli loyihalar milliy agentligi yangi «Token.uz». pilot loyihani ro’yxatdan o’tkazishi to’g’risida e’lon qildi. Loyiha tashabbuskori – «Yagona integrator Uzinfocom»

Ushbu loyiha «Ethereum» texnologiyasi asosida qurilgan xususiy virtual klubdir. Ushbu klub umumiy Internet tarmog’idan ajratilgan tez va samarali ishlashni ta’minlash uchun «Arbitrum» deb nomlangan qo’shimcha texnologiyadan foydalanadi.

Arbitrum — bu Ethereum’ga qo’shimcha bo’lib, u aqlli shartnomalar va markazlashtirilmagan dasturlar bilan ishlashni (bu blokcheynda ishlaydigan dasturlar) tezroq va arzonroq qilishga yordam beradi. U Optimistic Rollup texnologiyasidan foydalanadi.

Platformani yaratishdan asosiy maqsad ma’lumotlarni ishonchli va shaffof saqlashni ta’minlash, shuningdek, blokcheyn texnologiyasi ma’lumotlarni uchinchi shaxslar o’zgartirishidan va almashinuvidan himoya qilishdir. Platforma «Token.uz» axborotni qayta ishlashning xavfsizligi va ishonchliligini ta’minlash uchun davlat sektorida ham, xususiy sektorda ham foydalanish mumkin.