Bitkoin narxi $122 mingdan oshdi

Bitkoin qiymati ilk bor $122 mingdan oshib, yangi rekord o‘rnatdi.

Dushanba kuni bitkoin narxi $120 mingdan ko‘tarilib, rekord darajadagi $122 571,19 ga yetdi. Keyinroq kurs biroz tushib, $121 952,61 da turdi, bu avvalgi qiymatdan 2,4% yuqori edi.

Bozor AQSH Vakillar palatasida raqamli aktivlarni tartibga solish uchun asos bo‘lishi mumkin bo‘lgan bir qator qonun loyihalarining kutilayotgan muhokamasiga munosabat bildirmoqda. Tashabbuslar Donald Tramp tomonidan qo‘llab-quvvatlandi, u ilgari amaldagi qoidalarni soha manfaatlarini hisobga olgan holda qayta ko‘rib chiqish zarurligini ta’kidlagan edi.

IG Markets tahlilchisi Toni Saykamorning ta’kidlashicha, bitkoinning o‘sishi institutsional investorlarning yuqori qiziqishi, kelajakdagi o‘sish kutilmalari va siyosiy signallar bilan qo‘llab-quvvatlanmoqda. Uning hisob-kitoblariga ko‘ra, joriy dinamika saqlanib qolsa, bitkoin narxi $125 ming dollarga yaqinlashishi mumkin.