Toshkentda bozorlarda bir martalik yig‘im miqdori oshirildi

Toshkentda bozorlarda bir martalik yig‘im miqdori oshirildi. Bu haqda poytaxt hokimi Shavkat Umurzoqovning qaroridan ma’lum bo‘ldi.

Hujjatga ko‘ra, nafaqat bir martalik yig‘im tariflari, balki inventar ijarasi va ko‘rsatiladigan xizmatlar narxi ham o‘zgardi.

Kuniga bitta savdo joyi uchun amaldagi stavkalar endi quyidagicha:

• Yangi mevalar – 18 ming so‘m (ilgari 15 ming);
• Sitrus va tropik mevalar – 39 ming so‘m (32 ming);
• Quritilgan mevalar – 40 ming so‘m (33 ming);
• Sut mahsulotlari – 18 ming so‘m (15 ming);
• Poliz ekinlari – 34 ming so‘m (28 ming);
• Go‘sht mahsulotlari – 42 ming so‘m (35 ming).

To‘liq ro‘yxat bilan havola orqali tanishish mumkin.