Binance kripto birjasi O‘zbekistonda mahalliy hamkor orqali ish boshlaydi

Istiqbolli loyihalar milliy agentligi O‘zbekiston Respublikasi foydalanuvchilariga eng yirik kriptovalyuta birjalaridan biri – Binance’da xizmat ko‘rsatish masalasini hal qildi.

Endi Binance O‘zbekistonda o‘z faoliyatini qonun hujjatlariga muvofiq faoliyat yuritadigan mahalliy hamkor – CoinPay orqali amalga oshiradi. CoinPay kripto aktivlari aylanmasi bo‘yicha rasmiy xizmat ko‘rsatuvchi provayder bo‘lib, tegishli lisenziyalarga ega.

O‘zbekiston rezidentlariga Binance platformasiga CoinPay resurslari orqali kirish huquqi beriladi. Foydalanuvchilar bank kartalari va milliy to‘lov tizimlari yordamida milliy valyutadagi mablag‘larni to‘ldirishlari va olishlari mumkin.

Tizimni ishga tushirish platformaning barcha modullarini milliy to‘lov tizimlari bilan birlashtirish tugallangandan so‘ng rejalashtirilgan. Ishga tushirish to‘g‘risida rasmiy e’lon sheriklarning resurslarida – CoinPay va Binance’da e’lon qilinadi.

Avvalroq, 2024 yil yanvar oyida Agentlik Binance’ga kripto aktivlari aylanmasi sohasidagi qonun hujjatlarini buzganligi uchun jarima solgan edi. Sud jarayoni 2024 yil 7 iyunda yakunlandi va sud Binance’dan 300 bazaviy hisoblash miqdorida jarima undirishga qaror qildi. Binance sudning barcha talablarini bajardi va jarimani to‘ladi.

Agentlikning eslatishicha, 2023-yil 1-yanvardan boshlab O‘zbekiston fuqarolari va yuridik shaxslari qonun hujjatlariga muvofiq faqat milliy provayderlar orqali kripto aktivlari bilan operatsiyalarni amalga oshirishlari mumkin. Fuqarolarga talablarga rioya qilish va kripto aktivlari bilan bog‘liq xavflardan xabardor bo‘lish tavsiya etiladi.