Yoqilg‘i mahsulotlari uchun aksiz soliq stavkalari o‘rtacha 10% ga oshiriladi

2025-yil 1-apreldan boshlab benzin, dizel yoqilg‘isi, gaz va boshqa neft mahsulotlari uchun aksiz stavkalari o‘rtacha 10% ga oshiriladi. Bu o‘zgarishlar Soliq kodeksiga kiritilgan o’zgartirishlar qatorida ko‘rsatilgan.

Avvalgi indeksatsiya 2024-yil aprel oyida amalga oshirilgan bo‘lib, o‘shanda stavkalar o‘rtacha 12% ga oshirilgandi. Shuningdek, tabiiy gaz uchun aksiz stavkasi 2025-yil 1-yanvardan 20% dan 12% ga tushiriladi. 1-apreldan esa barcha turdagi benzin uchun yakuniy iste’molchilarga aksizlar oshiriladi.

1. Neft mahsulotlarini ishlab chiqarishdagi aksiz solig‘i:

• Ai-80 benzini mahsulotining 1 tonnasi uchun  340 000 so‘mdan  375 000 so‘mga;
• Ai-91 benzini mahsulotining 1 tonnasi uchun  303 000 so‘mdan  335 000 so‘mga;
• aviakerosin (sintetikdan tashqari) mahsulotining 1 tonnasi uchun 271 000 so‘mdan 300 000 so‘mga;
• dizel yoqilg‘isi (sintetikdan tashqari) mahsulotining 1 tonnasi uchun 326 000 so‘mdan 360 000 so‘mga;
• ekodizel yoqilg‘isi (sintetikdan tashqari) mahsulotining 1 tonnasi uchun 293 000 so‘mdan 325 000 so‘mga;

2. Neft mahsulotlarini va suyultirilgan gazni yakuniy isteʼmolchiga realizatsiya qilishda aksiz solig‘i:

• Ai-80 benzin uchun mahsulotining 1 tonnasi uchun 633 000 so‘mdan 700 000 so‘mga;
• Ai-91 benzin uchun mahsulotining 1 tonnasi uchun 565 000 so‘mdan 621 000 so‘mga;
• dizel yoqilg‘isi (sintetikdan tashqari) mahsulotining 1 tonnasi uchun 578 000 so‘mdan 635 000 so‘mga;
• suyultirilgan gaz mahsulotining 1 tonnasi uchun 904 000 so‘mdan 1 000 000 so‘mga oshishi belgilangan.

Avvalroq “Kapital.uz” birjadagi 80 benzin savdosi qariyb 2 karra oshgan haqida yozgan edi. 

Shuningdek, yangilangan Kodeksga ko‘ra, Byudjet tashkilotlariga belgilangan soliq stavkalarining amal qilishi muddati uzaytiriladi.