«Basalt Uzbekistan» klasterida $500 mlnlik loyihalar ishga tushiriladi

Jizzax viloyatida, Farish tumanida «Bazalt Uzbekistan» klasteri hududida 20 turdagi yuqori qo’shimcha qiymatli mahsulotlar ishlab chiqarish bo’yicha yangi loyihalar yaratish uchun $498 mln ajratish rejalashtirilgan. Bu haqda prezident matbuot xizmati xabar bermoqda.

Keyingi yili «Basfiber Trade» klasteridagi korxonalardan biri ishlab chiqarish quvvatini yiliga 25 ming tonna bazalt tolasi va matoga kengaytirishni rejalashtirmoqda. Ayni paytda $145 mlnlik uskunalar allaqachon yetkazib berilmoqda. Ushbu yangi loyiha ichki ehtiyojlarni qondirishdan tashqari, mahsulotning 90%ni eksport qilishga imkon beradi.

Klaster doirasida har yili 177 ming tonna bazalt tosh qayta ishlanadi, shuningdek, 42 turdagi mahsulotlar, shu jumladan maxsus tolalar, Roving, tolalar, armatura, kompozit geosetkalar, quvurlar, mato va issiqlik izolyatsiya plitalari ishlab chiqariladi