Bir yilda “AAA” toifadagi tadbirkorlar soni 45 barobarga oshdi

Shuningdek, tadbirkorlarning 1,8 trln so‘mlik QQS summasi keshbek sifatida qaytarilgan

Фото: Абдумавлон Мадмусаев / Kapital.uz

2024-yildan buyon Tadbirkorlik subyektlarining barqarorlik reytingi orqali “AAA” toifadagi tadbirkorlar soni 45 barobarga oshgan. Bunday toifadagi tadbirkorlarning 1,8 trln so‘mlik QQS summasi 1 kunda tekshiruvlarsiz qaytarib berilgan.

Savdo-sanoat palatasi reyting bilan yil davomida erishilgan natijalar haqida ma’lumot berdi.

Xabarda aytilishicha, tadbirkorlar subyektlarini faoliyatini tekshirishlar soni 2 barobarga kamayib, korxonalarda ishchi xodimlar soni 2,7 barobarga oshgan.

Soliq hisobotlarini belgilangan muddatda taqdim etayotgan tadbirkorlar soni 53,5 mingtaga ortdi. Quyi “D” toifadagi tadbirkorlar soni 2 barobarga qisqardi.

Eslatib o‘tamiz, o‘tgan yilning oktyabr oyi davomida Senat yuqori barqarorlik reytingiga ega biznes uchun soliq imtiyozlarini tasdiqlagan edi.

Keyinchalik, 2024-yil 1-fevraldan Tadbirkorlik subyektlarining barqarorlik reytingini joriy etish haqidagi Prezident qarori imzolangan edi.