O‘zbekistonda davlat banklarini xususiylashtirish ishlari 2027-yilda boshlanadi

O‘zbekistonda bank sektoridagi davlat ulushlarini sotish jarayoni kamida 2027-yildan boshlanadi. Bu haqda yangilangan “O‘zbekiston–2030” strategiyasida ma’lum qilindi.

Hozirda davlat tasarrufida to‘qqizta bank mavjud: NBU, Agrobanka, O‘zsanoatqurilishbank, Asakabank, Xalq banki, BRB, Mikrokreditbank, Aloqabank va Turonbank. Tasdiqlangan hujjatga ko‘ra, 2026-yilda ularning soni o‘zgarmaydi.

Aktivlarni xususiylashtirishning faol bosqichi keyingi yillarga mo‘ljallangan. 2027-yilda davlat ulushi mavjud banklar soni yettitaga kamayishi, 2028-yilda oltita, 2029-yilda beshta bo‘lishi, 2030-yilga borib esa atigi to‘rtta bank davlat nazoratida qolishi rejalashtirilgan. Qaysi banklar davlat tasarrufida qolishi aniq ko‘rsatilmagan.

Yakuniy muddatlar 2025-yil dekabrida taqdim etilgan dastlabki loyihadan farq qiladi. Dastlab xususiylashtirishni 2026-yildan boshlash rejalashtirilgan edi, biroq yakuniy variantda islohotni bir yilga kechiktirishga qaror qilingan.

Eslatib o‘tamiz, 2025-yil dekabrida Yevropa tiklanish va taraqqiyot banki Asakabankning 15 foiz aksiyalarini sotib olishi kutilmoqda. Xalqaro moliya institutining aksiyadorlar tarkibiga kirishi bankni keyinchalik xususiylashtirishga tayyorgarlik jarayonining bir qismi hisoblanadi.