Raqobat qo‘mitasi tomonidan bir qator banklarga nisbatan ish qo‘zg‘atildi

Raqobat qo‘mitasi tomonidan o‘tkazilgan monitoringlar davomida bir necha baklar va mikromoliya tashkilotlariga nisbatan ish qo‘zg‘atilgan. Bu haqida Qo‘mita rasmiy sahifasida e’lon qildi.

Xabarga ko‘ra, quyidagi korxonalar faoliyatida “Reklama to‘g‘risida”gi va “Iste’molchilarning huquqlarini himoya qilish to‘g‘risida”gi Qonunlar talablari buzilishi holatlari aniqlangan:

• “HAYOT BANK” AJ;
• “YANGI BANK” AJ;
• “Aloqa Bank” AT;
• “ASIA ALLIANCE BANK” ATB;
• «O‘zsanoatqurilishbank» ATB (SQB);
• «BIZNESNI RIVOJLANTIRISH BANKI» ATB 
• “SASH U mikromoliya tashkiloti” MCHJ.

Shuningdek, qo‘zg‘atilgan ishlar belgilangan tartibda ko‘rib chiqilgandan so‘ng yakunlari yuzasidan qo‘shimcha axborot beriladi.

Avvalroq, Kapital.uz “Davr bank” kreditlarni noto’g’ri reklama qilgani uchun jarimaga tortilgani haqida yozgan edi.