O’zbekiston Markaziy banki fuqarolarning bank kartalari soniga limit kiritmoqchi

Markaziy bank jismoniy shaxslarga bitta bank kartasi taqdim etilishiga oid internetda tarqalayotgan xabarlar haqiqatga to‘g‘ri kelmasligini ma’lum qildi. Bu haqda bankning rasmiy sahifasida xabar qilindi.

Shuningdek, hozirda banklar tomonidan bank kartalari bilan bog‘liq firibgarlik va shubhali operatsiyalarning oldini olishga qaratilgan choralar ko‘rilmoqda.

Natijada, jismoniy shaxslarga taalluqli bank kartalari sonini vaqtinchalik tartibga solish, ya’ni har bir bankda 5 tagacha, barcha banklarda esa jami 20 tagacha belgilash imkoniyati muhokama qilinmoqda. Bu cheklov chet el valyutasida ochilgan bank kartalariga tadbiq etilmaydi.

Ma’lumotlarga ko’ra, jismoniy shaxslarning qariyb 97% 5 tagacha bank kartasiga ega, 3% fuqarolarda 5–20 tagacha, hamda faqat 7 ming kishida 20 tadan ortiq kartalar mavjud.