O‘zbekistonda bank kartalari soni 63,7 mln donaga yetdi

2025-yil 1-may holatiga ko‘ra, O‘zbekistonda muomalada bo‘lgan bank kartalari soni 63,7 mln donani tashkil etdi. Bu haqda Markaziy bank xabar bermoqda.

Hozirda eng ko‘p bank kartasiga ega bank — Xalq banki bo‘lib turibdi. Uning muomaladagi kartalari soni 11 mln donani tashkil etmoqda. Shunga qaramay, yil boshidan beri ushbu bankning kartalari soni 1,4 mlnga kamaygan.

Keyingi o‘rinlarda:

• Agrobank — 5,7 mln karta;
• TBC Bank — 4,96 mln;
• Ipoteka bank — 4,94 mln;
• Octobank — 4,6 mln;
• Milliy Bank — 4 mln.

Bankomatlar bo‘yicha yetakchi banklar:

Eng ko‘p bankomat va infokiosklarga to‘lov tashkilotlari egalik qilmoqda — jami 17 ming 994 ta.

Banklar kesimida esa:

• Xalq banki — 3 mingta bankomat;
• Agrobank — 2 mingta;
• Kapitalbank — 1,4 mingta;
• Ipak Yo‘li banki — 972 ta;
• Milliy bank — 894 ta.

To‘lov terminallari soni bo‘yicha yetakchi banklar esa quyidagicha:

• Xalq banki — 45 mingta;
• Hamkorbank — 43 mingta;
• Milliy bank — 39 mingta;
• Agrobank — 34 mingta;
• Ipoteka bank — 34 mingta.

Shu davr ichida terminallar orqali olingan jami tushum 139,98 trln so‘mni tashkil etdi. Eng katta tushum esa Aloqabank hissasiga to‘g‘ri keldi — 16,1 trln so‘m.