Joriy yilda O’zbekistonda avtoraqamlarga talab ikki yarim barobarga oshdi

Joriy yilning 9 oyi davomida avtoraqam.uzex.uz tizimida 152 mingdan ziyod qiymati 620 mlrd so’mlik avtoraqamlar onlayn-auksion orqali sotilgan.

Bu ko’rsatkich o’tgan yilning shu davriga nisbatan 2,6 barobarga oshgan.

Ushbu avtoraqamlarni xarid qiluvchilarning 97%ni jismoniy shaxslar, 3%ni yuridik shaxslar tashkil etgan. Raqamlarni eng past narxi 1,7 mln so’mdan, eng qimmat narx esa 517,1 mln so’mdan iborat bo’lgan.

Shuningdek, mobilraqam.uzex.uz tizimi orqali 14,6 mlrd so’mlik 3,5 mingdan ziyod mobil raqamlar sotuvi amalga oshirilgan. 

Bundan oldin, birja tomonidan qishloq xo’jaligi mahsulotlarini sotish uchun “UZEX Agro” platformasi ishga tushirilgani haqda xabar berilgandi.