To’qqiz oyda aholiga ajratilgan avtokreditlar hajmi 2,4 barobarga kamaydi

Yil oxirigacha 118 mingta avtomobil ro’yxatdan o’tkazilishi kutilmoqda

Фото: Абдумавлон Мадмусаев / Kapital.uz

2024-yilning yanvar-sentyabr oylarida banklar tomonidan aholiga ajratilgan avtokreditlar jami 12,8 trln so‘mni tashkil etgan. Bu haqda Makroiqtisodiy va hududiy tadqiqotlar instituti xabar berdi.

Bu ko‘rsatkich 2023-yilning shu davriga nisbatan 2,4 barobarga kamaygan.

So’nggi 3 yilda ajratilgan kreditlarning o‘sish sur’ati o‘rtacha darajada saqlanib qolgan. 2024-yil oxirigacha har oyda o‘rtacha 115-118 mingta avtomobil davlat ro‘yxatidan o‘tkazilishi tahmin qilinmoqda

O’tgan yilning 4-choragida har oyda o‘rtacha 154,8 mingta avtomobillar oldi-sotdisi bo‘yicha shartnoma tuzilgandi.

Bundan oldin, oktyabr oyida O’zbekistondagi avtomobil bozori savdosi 7%ga pasaygani haqida xabar berilgandi.