O‘zbekistonda avgust oyida uy-joy bozori faolligi sekinlashdi

Iqtisodiy tadqiqotlar va islohotlar markazi ko‘chmas mulk bozoridagi yangi tahlilni taqdim etdi.m Bu haqda Kapital.uz’ga ITIM (CEIR) matbuot xizmati ma’lum qildi.

O‘tgan avgustda 25 mingta uy-joy sotildi, bu ko‘rsatkich iyulga nisbatan 4,6% kam. Shunga qaramay, yillik hisobda bozor o‘sishni ko‘rsatmoqda — o‘tgan yilning avgustiga nisbatan bitimlar soni 13% ga oshdi.

Hududlar kesimida eng katta o‘sish Sirdaryo (34%), Xorazm (29%) va Surxondaryo (27%) viloyatlarida qayd etildi.

Ikkilamchi uy-joy bozori

Avgust oyida O‘zbekistonda ikkilamchi bozorda narxlarning o‘sishi sustlashdi. Iyuldagi 1,7% lik ko‘tarilishdan so‘ng, avgustda bir kvadrat metrning o‘rtacha narxi 1% ga oshdi. Yillik hisobda ikkilamchi uy-joy narxlari 4% ga ko‘tarildi.

Hududlar bo‘yicha eng katta yillik narx o‘sishi Jizzax (14%), Surxondaryo (17%) va Sirdaryo (10%) viloyatlarida kuzatildi.

Toshkent ko‘chmas mulk bozori

Avgust oyida Toshkentda ikkilamchi bozorda o‘rtacha narx bir yilda 2,3% ga kamaydi. Shu bilan birga, birlamchi uy-joy narxlari 0,7% ga o‘sdi.

Iyulga nisbatan esa, Toshkent ikkilamchi bozorida uy narxlari 0,2% ga oshdi.

Eng katta pasayish Mirzo Ulug‘bek (-6,3%), Yashnobod (-4,4%) va Chilonzor (-4,6%) tumanlarida qayd etildi. Yangi qurilishlar segmentida esa narxlarning sezilarli ko‘tarilishi Mirabad (6,6%), Yakkasaroy (3,6%) va Olmazor (2,6%) tumanlarida kuzatildi.

Toshkentda uy-joy ijarasi bozori

Avgust oyida Toshkentda uy-joy ijarasi bozori barqaror bo‘ldi, o‘rtacha stavka avvalgi oylar kabi 1 kvadrat metr uchun $8 darajasida saqlanib qoldi.

Eng yuqori ijaraviy narxlar poytaxtning markaziy tumanlari — Mirabad, Shayxontohur va Yakkasaroyda bo‘lib, u yerda o‘rtacha stavka $10,3 ni tashkil etmoqda.

Yillik hisobda Toshkentdagi o‘rtacha ijara narxlari 1,8% ga pasaydi. Eng katta tushish Uchtepa, Chilonzor va Bektemir tumanlarida qayd etildi.