Turkiyaning “Arimatik” kompaniyasi Samarqand viloyatidagi loyihalarga $4 mlrd sarmoya kiritadi

Samarqand viloyati hokimi Adiz Boboyev “Arimatik” ishtirokidagi Turkiya delegatsiyasi bilan hamkorlikning istiqbolli rejalari yuzasidan muzokaralar o‘tkazdi. Bu haqda viloyat hokimligi matbuot xizmati xabar berdi.

12-dekabr kuni bo‘lib o‘tgan uchrashuvda kompaniya vakillari bir qator yirik tashabbuslarni amalga oshirishda asosiy hamkor bo‘lish niyatida ekanliklarini ma’lum qilishdi. Tashkilot mintaqaga bosqichma-bosqich $4 mlrd yo‘naltirishga tayyorligini bildirdi. Shirin massivi qurilishida ishtirok etish uchun investorlar alohida qiziqish bildirdi.

Viloyat rahbari direksiya rahbariyati bilan birgalikda mehmonlarga bo‘lajak obyektning rejalashtirilgan me’moriy qiyofasi va infratuzilma yechimlarini taqdim etdi. Shuningdek, xorijiy hamkorlarga ushbu hududda yer uchastkalarini sotib olish shartlari va tartibi tushuntirildi. Tomonlar tasdiqlanganidan keyin loyiha ustida ishlashni davom ettirishga kelishib oldilar.