Fond birjasi “Alskom” sug‘urta kompaniyasi aksiyalari bilan savdolarni to‘xtatdi

2025-yil 4-apreldan boshlab “Toshkent” Respublika fond birjasi “Alskom sug‘urta kompaniyasi” aksiyalari bilan operatsiyalarni to‘xtatadi.

To‘xtatilish sababi — emitent tomonidan aksiyalarni split qilish va o‘z kapitali hisobidan qo‘shimcha aksiyalar chiqarishni o‘z ichiga olgan korporativ harakatlarni amalga oshirishi hisoblanadi.

Qaror “Qimmatli qog‘ozlar savdosi qoidalari”ning 1687-1-bandiga va Qimmatli qog‘ozlar markaziy depozitariysi xabariga asosan qabul qilingan.

“Alskom” sug‘urta kompaniyasi O‘zbekiston sug‘urta bozorida o‘z faoliyatini 1996-yilda boshlagan.