“Respublika ko‘p tarmoqli agrosanoat birjasi” ning litsenziyasi 6 oyga bekor qilindi

Sud qarori bilan Raqobat qo‘mitasi tomonidan  “Respublika ko‘p tarmoqli agrosanoat birjasi” AJga birja faoliyati uchun berilgan litsenziyaning amal qilish muddati olti oy muddatgacha to‘xtatildi. Bu haqda Qo‘mita rasmiy sahifasida ma’lum qildi.  

Ma’lum bo‘lishicha, avvalroq Raqobat qo‘mitasi tomonidan “Respublika ko‘p tarmoqli agrosanoat birjasi” AJ tovar-xom ashyo birjasi faoliyatini amalga oshirish bo‘yicha belgilangan litsenziya talablariga to‘liq rioya etmaganligi sababli birja faoliyati uchun berilgan litsenziyani vaqtinchalik to‘xtatib turish yuzasidan sudga da’vo arizasi kiritilgan. 

Sud esa da’vo arizasini qanoatlantirgan. 

Eslatib o‘tamiz, O‘zbekiston Respublikasining “Litsenziyalash, ruxsat berish va xabardor qilish tartib-taomillari to‘g‘risida”  gi Qonuniga muvofiq Raqobat qo‘mitasi tovar-xom ashyo birjasi faoliyatini litsenziyalovchi vakolatli organ hisoblanadi.