O‘zbekiston Afg‘oniston ko‘mirini import qiladi

O‘zbekiston iqtisodiy delegatsiyasi Kobulga tashrif buyurganida Tolibon hukumatining Sanoat va savdo vazirligi vakillari bilan muzokaralar olib bordi. Bu haqda Tasnim axborot agentligi xabar bermoqda.

Uchrashuv davomida O‘zbekiston ikki tomonlama savdoni muvozanatlashtirish maqsadida Afg‘oniston ko‘mirini xarid qilishga tayyor ekanligini ma’lum qildi. Tashrif doirasida ikki mamlakat xususiy kompaniyalari o‘rtasida $4,5 mln miqdoridagi shartnomalar imzolandi.

Bundan tashqari, tomonlar imtiyozli savdo to‘g‘risidagi bitimni yakunlash, Samangan viloyatida sement zavodi qurish va ikki mamlakatda savdo uylarini tashkil etish masalalarini muhokama qilishgan.