Qozog’istonda AES qurilishi bo’yicha referendum bo’lib o’tdi

Tashabbusni saylovchilarning 71% qo'llab-quvvatladi, bu 5,5 mln kishini tashkil etadi

Фото: Известия

Markaziy saylov komissiyasi Qozog’istonda atom elektr stansiyasini qurish bo’yicha respublika referendumining dastlabki natijalarini taqdim etdi. Bu haqda “Informburo” xabar bermoqda.

Ovoz berishda 7,8 mln kishi ishtirok etdi, bu ovoz berish huquqiga ega bo’lgan fuqarolarning 63,66%ni tashkil etadi. Bu referendumni o’tkazilgan deb hisoblash imkonini beradi.

AES qurilishi uchun 5,5 mln fuqaro ovoz berdi, bu ovoz berish ishtirokchilarining 71,12%ni tashkil etadi, 2 mln kishi esa qarshi chiqdi.

130 ming byulleten haqiqiy emas deb topildi, ulardan 82 mingtasida ikkala javob ham belgilangan.