O’zbekiston chetga $775 mlnlik to’qimachilik mahsulotlarini yetkazib berdi

Yanvar-mart oylarida O’zbekiston to’qimachilik mahsulotlarini $775,7 mlnga eksport qildi, bu ko’rsatkich o’tgan yilning shu davriga nisbatan 0,9%ga o’sdi. Bu haqda statistika agentligi xabar bermoqda.

Yil boshida eksport qilinadigan to’qimachilikning asosiy tarkibiy qismlari to’qimachilik mahsulotlari 46,8% va ip 37,7% edi. Ushbu davrda dunyoning 55 mamlakatiga 465 turdagi to’qimachilik eksport qilindi.

To’qimachilik mahsulotlari eksportining umumiy hajmi:

• Ip — $363,4 mln;
• Tayyor to’qimachilik mahsulotlari — $292,5 mln;
• Trikotaj mato — $69 mln;
• Matolar — $39,3 mln;
• Paypoq mahsulotlari — $11,5 mln.