Farg’ona viloyatida $7 mlrddan ortiq loyihalarni amalga oshirish rejalashtirilgan

Prezident Shavkat Mirziyoyev Farg’ona viloyatida amalga oshirilishi rejalashtirilgan yangi investitsiya loyihalari bilan tanishdi, deya xabar beradi prezident matbuot xizmati.

So’nggi yetti yil ichida Farg’ona viloyatiga qariyb 77 trln so’m sarmoya jalb etildi. Bu 116 ming ish o’rni yaratish va $4,5 mlrdlik eksport salohiyatini shakllantirishga imkon berdi. hozirgi vaqtda mintaqada umumiy qiymati $1,3 mlrd bo’lgan mingdan ortiq loyihalar amalga oshirilmoqda.

Ayni paytda xorijiy investorlar va mahalliy tadbirkorlar umumiy qiymati 7 milliard dollardan ortiq bo’lgan 132 ta loyihani ishlab chiqdilar, shundan $2,1 mlrdlik 25 ta loyiha prezidentga taqdim etildi, deyiladi xabarda.

Loyihalarga Avstriya, AQSh, Xitoy, Rossiya, Turkiya, Germaniya, Saudiya Arabistoni, Quvayt, Yaponiya va Ozarbayjon kompaniyalari sarmoya kiritmoqda. Ushbu loyihalar to’qimachilik, oziq-ovqat, tibbiyot, elektrotexnika, qurilish materiallari ishlab chiqarish, xizmat ko’rsatish va boshqa sohalarni qamrab oladi.

132 ta loyihani amalga oshirish 23 mingdan ortiq ish o’rni yaratadi.