Wildberries O‘zbekiston byudjetiga 51 mlrd so‘mdan ortiq mablag‘ o‘tkazdi

Qo‘shimcha to‘lov 2022–2024-yillardagi soliq auditi natijasida amalga oshirildi

Wildberries O‘zbekiston byudjetiga 51,2 mlrd so‘m soliq to‘ladi. Bu haqda Soliq qo‘mitasi xabar berdi.

Rossiyada ro‘yxatdan o‘tgan Wildberries marketpleysi O‘zbekistonda Wb Int Export orqali faoliyat yuritadi.

Soliq auditi kompaniyaning ayrim soliq qonunchilik talablariga mos kelmasligini aniqladi. Shundan so‘ng, 2022–2024-yillar uchun byudjetga qo‘shimcha 51,2 mlrd so‘m, jumladan 42,8 mlrd so‘m QQS to‘landi.

Eslatib o‘tamiz, o‘tgan yilning to‘qqiz oyida Wildberries platformasida o‘zbek tadbirkorlarining savdosi 87 baravarga oshgan.