Oltin quymalari narxi yangi rekord darajaga ko‘tarildi

5-fevral kuni oltin quymalarining narxi rekord darajasini yangiladi. Bu haqda Markaziy bank ma’lum qildi.

5 grammlik quyma 6 mln 114 ming so‘mdan, 10 grammlik oltin quymalari esa 12,23 mln so‘mdan sotilmoqda. 

20 grammlik oltin quymalari narxi 24,46 mln so‘mni tashkil qilsa, 50 grammlik quymalar narxi 61,14 mln so‘mga yetdi.

Regulyator 100 grammlik oltin quymasi uchun esa 122,27 mln so‘m deb belgilagan. 

Shu bilan birga, dunyo bo‘yicha oltin narxi tarixiy maksimal darajaga yetdi — bir troy unsiya uchun $2,88 ming. Bir yilda oltin 41,7% ga qimmatlagan.