Toshkentdagi “Lotte” va “International” mehmonxonalari $46 mlnga sotildi

O‘zbekiston Davlat aktivlarini boshqarish agentligi “International Hotel” va “Lotte Hotel Tashkent Palace”ni xususiylashtirish uchun ochiq savdo e’lon qildi. Bu haqda rasmiy sahifasida ma’lum qildi.

Xalqaro “Deloitte” kompaniyasi “International”ni xususiylashtirish bo’yicha maslahatchi sifatida jalb qilingan. Oltita kompaniya mulkka qiziqish bildirib, ulardan uchtasi majburiy takliflarni taqdim etdi. 

Kimoshdi savdosida $26 mln taklif qilgan “Smart Fast Stroy” kompaniyasi g‘olib bo‘ldi. Kompaniya mehmonxonaning bank oldidagi 14,7 mln yevrolik qarzini o‘z zimmasiga olib, rivojlanishiga $41 mlndan ortiq sarmoya kiritish majburiyatini oladi. 

DABA taklif qilingan miqdorni mulkning taxminiy qiymatidan sezilarli darajada oshib ketganini ta’kidladi. 

“Lotte Hotel Tashkent Palace” uchun KPMG va “Deloitte” xalqaro konsalting kompaniyalari xususiylashtirish va mustaqil baholash bo’yicha maslahatchilar sifatida jalb qilingan. Tenderda 15 ta kompaniya ishtirok etish istagini bildirgan, ulardan faqat 3 tasi majburiy takliflarni taqdim etgan.

Savdo g‘olibi “Alfa Invest” sug‘urta kompaniyasi bo‘lib, u mehmonxonaning arxitektura ko‘rinishini hisobga olgan holda barcha qurilish, ta’mirlash va rekonstruksiya ishlarini Qurilish vazirligi ruxsatiga qat’iy rioya qilgan holda amalga oshirish majburiyatini oldi. 

Taklif etilgan miqdor mulkning taxminiy qiymatidan yuqori edi.

Ma’lumot uchun, “Smart Fast Stroy” qurilish kompaniyasi 2023-yilda 500 mln so‘m ustav kapitali bilan tashkil etilgan. Asoschisi Muxiddinov Muxiddin Usmon O’g’li.

“Alfa Invest” sug’urta kompaniyasi ixtiyoriy va majburiy sug’urta xizmatlarining keng spektrini taklif etadi. “Moody’s Investors Service” xalqaro reyting agentligi kompaniyaga barqaror prognozli B2 kredit reytingini berdi.