Metan zapravkalar 24 soatlik ish rejimiga o‘tadi

30-dekabrdan boshlab respublika bo‘ylab barcha metan AGTKShlar tunu kun ishlaydi

Фото: Mezon.io

30-dekabr kuni soat 09:00 dan boshlab respublika hududidagi barcha avtomobillarga gaz to‘ldirish kompressor shoxobchalari 24 soatlik ish rejimida faoliyat yurita boshlaydi. Bu haqda Energetika vazirligi matbuot xizmati xabar bermoqda .

Bu choralar avtotransport vositalari egalari uchun yoqilg‘i quyish jarayonini yanada qulay tashkil etish, shuningdek, yuklamani kun davomida teng taqsimlash va navbatlarning oldini olishga qaratilgan.

Haydovchilar metan yoqilg‘isini kunduzgi va tungi soatlarda, o‘zlariga qulay vaqtda, tirbandlik va navbatlarsiz quyish imkoniyatiga ega bo‘ladilar.