O’zbekistonga dunyoning nufuzli 23 ta mehmonxona brendlari kirib keladi

Bugun prezident ishtirokida tadbirkorlikda yilda davomida qilingan ishlar va 2025-yilga rejalar yuzasidan selektor o‘tkazilmoqda. Bu haqda Sherzod Asadov yozmoqda.

Unga ko‘ra, Bo‘stonliqda $10 mlrdlik “Sea Breeze” nomli yirik markaz qurilishini boshlashga kelishib olindi. Shuningdek, mamlakatimizga dunyoning nufuzli “Swissôtel”, “Sheraton”, “Ritz-Carlton”, “Novotel”, “Pullman”, “Marriott”, “ibis”, “Mercure” kabi 23 ta mehmonxona brendlari kirib kelyapti.

“Kelgusi yilda mehmon o‘rinlari yana 30 mingga oshadi. Tadbirkorlar bunga 10 trln so‘m investitsiya kiritishga tayyor”, — dedi Shavkat Mirziyoyev.

Bu yil ishga tushgan 17 ta yirik savdo va turistik maskanga qo‘shimcha yana 25 ta shunday majmua qo‘shiladi.

Savdoni rivojlantirish bo‘yicha alohida kompaniya ochilib, eksportni moliyalashtirish uchun $350 mln ajratildi. Natijada berilgan har $1 hisobiga tadbirkorlar $6lik eksport qildi.

Kelgusi yilda bunga yana $300 mln berilishi belgilandi.